نطالب بمحاكمة و عزل مأمور طوخ

قبل الفيديو شوفوا القصة كما يرويها صاحبها

السؤال طبعا كل واحد ياخدجزاؤه لو غلطت ناخد عقابنا لكن مش تلفيق جريمة القصه كامله برواية الشاب الذي كانت تدافع عنه المواطنه
انا اسمي أسامه عبد الفتاح من المنوفيه كنت فى القاهره يوم الخميس 19/5 كنت في جامهة القاهره بسدد المصرفات حيث انني أدرس فى كليه اعلام جامعة القاهره وأنا راجع نزلت كليه الزراعه علشان اروح وكان الموقف زحمه جدا فجأه جت عربيه كل الناس جريت عليها وبدأنا نركب في بنتين كان بيركبوا معنا واحده ركبت فى الكرسي اللي بيقعد عليه 2 وكان جنبها واحد وانا طلعت وركبت علي الكرسي القلاب فهى بتبص شافت صحبتها علي الارض فبسرعه قالت لي انا حاجزه المكان ده بعد ما انا ركبت وعايزه تخلينى أنزل من العربيه فا أنا رفضت قالت لى دي قلت ذوق ودي مش أخلاق مردتش عليها وركبت صاحبتها علي رجليها ومن ساعه لما باب الربيه اتقفل وانهالت تلقيح عليا هي وصحبنها دى قلت ذوق دا مفيش نخوه ومفيش رجوله هي الثورد قامت ليه وما تكره ان تسمعه أذناك من كليه الزراعه حتي قها علي نفس الاسلوب انفجرت فيها انت عماله تتكلمي عن الاحترام وانت بنت وصوتك عالي وبتزعقي في العربيه قلت اللي فى نفسي لكن اقسم بالله ما سبتها ولا شتمها زي ما هي عملت بتقولي انت بتتشطر عليا علشان انا بنت اتشطر عليك فين ولو مين اللي قالي انزل من العربيه مش هنزل ولو اتخن تخين مش نازل قالت لي انت عارف انا مين قلتها حسني مبارك خلاص فنش بصراخ ترد وتقول لألألألأ الكبير هيفضل كبير الكبير هيفضل كبير فى واحده ست هي وأولاده الثلاثه واقسم بالله معرف هي مين اندفعت علشاني ايه يابنتي انت من ساعه لما ركبتي عماله تقطمي في الشاب ليه خلاص انتو ا ركبتوا ومشينا وانت شايفه الزحمه مين كان هيرضه ينزل بعد ما ركب لزمتها ايه الشتيمه والتريقه قالت لها وانتي مالك انت الست ردت ما احنا عندنا بنات زيك مفيش بنت تقدر تعمل كده كلمه من الست مقابل شتمه من البنت اللي هي بنت مأمور مركز طوخ البت زقت الست راحت بنت الست دي ضربت بنت المأمور غيره علي أمها بنت المأمور ردت أنا هعرفكم أنا مين وقعدت تصرخ وجابت التليفون وتصرخ في التليفون الحقيني يا ما ما الحقني يا بابا وخلت سواق العربيه يكلم أبوها وكلمت أمها خلت أمها شتمت الست في التليفون بأبشع الألفاظ وقربت العربيه من نقطه مرور طوخ وكانت الساعه حوالي 2 ظهرا ونشوف زحمه ولغبطه في الطريق من بعيد وتواجد غير عادي للشرطه الكل اندهش حتي واحد قال هي الشرطه نزلت ولا ايه ؟ وقف السواق ينزل راكب صرخت البنت الحقني ياعلي علي ده طلع أخوها وجريت صاحبتها نادت المأمور وبدأت قصص حبيب العادلي وقذارة رجاله وكل من هو علي شاكلته وحضر المأمور والبنت نزلت والمأمور قعد يخبط علي زجاج العربيه هي فين البت شاورت علي الست راح المأمور شد الست من شعرها انزلي يابنت الشرموطه انزلي انتي بتضربي بنتي ولاد الست دي اتنين شباب وبنت راكبين معاها في العربيه لما المأمور ضرب أمهم وشدها وشتمها وبهدله كل ده في الشارع العام علي طريق مصر اسكندريه الزراعي في طوخ نزل الشابين يمسكوا في المأمور فحضرت زبانية المأمور وحاشيته فا انهالوا علي الشابين بالضرب المبرح هم و أمهم وأختهم في الشارع فأي ذنب اتكبوا وأي جريمة اقترفوها لكل هذا ؟؟؟؟؟؟ ماذا تفعل بكل صراحه لو شاهدت أمك وأختك في مثل هذا الموقف ؟ وبعد الضرب ركبو ا البوكس وأنا نزلت في بوكس تاني ولعداله المولي سبحانه بنت الست دي مركبتش البوكس فضلت واقفه ومعها رضيعها اللي اتبهدل هو كمان رحنا المركز المأمور ضرب الشابين دول ضرب ومسك الست من شعرها وضربها وقال لها ( أصل عيالك دول تربيه مره ) وأنا اللي في الأصل المشكله كانت معايا وخطأ الست دي انها شافت غلط وقالت لأ للغلط هو دا ذنبها هي و أولادها بعد 10 دقايق المأمور جاب محضر محكم لينا احنا الثلاثه انا والشابين فيه تهم ( خطف واغتصاب وهتك عرض ) مرفق به كشف طبي معرفش جه منين وازاي والأمور ماشيه في الاتجاه ده خلاص وفجأه جاء خبر للمركز ان المأمور متقدم ضده شكوي وشهد عليها 30 فرد من اللي كانوا واقفين وشافوا الواقعه اتقلبت الدنيا المأمور اللي كان شغال يسب الدين ويشتم هو وزوجته في المركز أيوه زوجه المـأمور جت وحسيت ساعتها انا المركز ده ملكيه خاصه ليهم وكل اللي في المركز خدم عندهم المهم بقي عامل زي الفار شويه يبعت مقدم يعتذر لينا وشويه يبعت النائب بتاعه وفجأه جاء الي المركز اللواء مساعد مدير امن القليوبيه والمهندس عمرو حواش عضو في ائتلاف شباب الثوره واللواء باحترامته ضغط علي الست علشان يتنازلو عن شكواهم مقابل ان المأمور كمان هيقطع المحضر ده ويتعمل محضر جديد وهيتكتب انها كانت مشاده كلاميه سبحان الله بقدرة قادر من اختطاف واغتصاب وهتك عرض لمشاده كلاميه !!!!!!! لا تتعجب فهذه هي قيادات الد اخليه ولا عزاء للعداله !!!!! المهم الست وافقت علشان ولادها عندهم امتحانات واتعرضنا علي النيابه بمحضر تهمته مشاده كلاميه وانتهت بالصلح ولما دخلنا لوكيل النيابه بنت المأمور وأمها مفكرين انهم فوق الخلق جمعيا وكشفت عن ساعدها وركز فى في ساعدها دي وكانت مخربشا نفسها بمتاح وبتقول لوكيل النيابه اني هي معتدي عليها ولو ربطنا فعل بنت المأمو ر مع جرم أبيها قبلها لما زور محضر وكشف طبي أي أنها تريد أن تقنعنا انها مغتصبه من ساعدها شفتو ا محاضر الداخليه ولما جاءت الساعه 9 مساء تنازلت السيده وبنتها خوفا علي مستقبل أولادها لكن هل يترك هذا المأمور بدون عقاب ؟ اقسم بالله العظيم ان كل كلمه كانت حقيقه وهذا ما تذكرته فقط وملخص القصه ( علشان كرسي في الميكروباص مأمور طوخ أصبح بلطجيا ) الثوره قامت ضد كل ظالم وفاسد أمثال هؤلاء فهل نستطيع ان نحمي ثورتنا ونطهر بلادنا من بطش هؤلاء |؟؟؟؟؟؟!عشان الست قالت لبنت المأمور عيب كده يا بنتى ,,,البنت اتصلت وابوها والبلطجية انتظروهم على طريق مصر اسكندرية ونزلوهم من المكروباص واتفرج بقى .انشرواا الفيدو يا جماعة ,,الخميس الفات 19 -5- 2011 لازم يبقى عبرة زى بتاع دمنهور ,,,بنعتذر عن الالفاظ بس لو حصلت ليكى او لاختك اوامك ,,هاتسمعيهاا’,,,يبقى ساعدونا اعملوامشاركة للفيدو ,,ولو محامى جدع يتصل بالرقم ده 0124301280